منتديات درة بلادي
برنامج Advanced Call Manager من الألف للياء 1711_md_13109192161
منتديات درة بلادي
برنامج Advanced Call Manager من الألف للياء 1711_md_13109192161
منتديات درة بلادي

فعاليات المنتدى




برنامج Advanced Call Manager من الألف للياء Navbits_start
برنامج Advanced Call Manager من الألف للياء Uuoo12 منتديات درة بلادي  :: 

قسم الكمبيوتر والانترنيت

 :: 

 

 :: 

منتديات الجوال

برنامج Advanced Call Manager من الألف للياء
التسجيلالتعليمـــاتموآضـــيع لم يتم آلرد عليهآمشاركات اليوممحرك البحث

أهلا وسهلا بك إلى منتديات درة بلاديي.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  
برنامج Advanced Call Manager من الألف للياء Collapse_tcat
المواضيع المضافه مؤخراً
الموضوع
تاريخ ارسال المشاركة
بواسطة
الأربعاء يناير 28, 2015 8:03 am
الأحد يناير 11, 2015 12:01 pm
الأحد ديسمبر 07, 2014 9:04 am
السبت يونيو 21, 2014 8:10 am
الجمعة يونيو 20, 2014 5:04 pm
الأربعاء يونيو 18, 2014 2:48 pm
الأربعاء يونيو 18, 2014 2:46 pm
الأربعاء يونيو 18, 2014 2:44 pm
الأربعاء يونيو 18, 2014 9:56 am
الأربعاء يونيو 18, 2014 9:36 am
الرئيسية التسجيل التعليمـــات موآضـــيع لم يتم آلرد عليهآمشاركات اليوم البحث

منتديات درة بلادي :: قسم الكمبيوتر والانترنيت ::   :: منتديات الجوالشاطر
 

 برنامج Advanced Call Manager من الألف للياء

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
المعلومات
الكاتب:
مهند صالحين
اللقب:
مؤسس الموقع
الرتبه:
مؤسس الموقع
الصورة الرمزية

مهند صالحين

البيانات
100
برنامج Advanced Call Manager من الألف للياء Swimmi10
برنامج Advanced Call Manager من الألف للياء Accoun10
برنامج Advanced Call Manager من الألف للياء 110
خاتم الانبياء والمرسلين :
محمد
ذكر
العذراء
عدد المساهمات :
1092
تاريخ التسجيل :
21/12/2009
العمر :
44
الموقع :
https://hody.all-up.com

التوقيت

الإتصالات
الحالة:
وسائل الإتصال:
https://hody.all-up.com
مُساهمةموضوع: برنامج Advanced Call Manager من الألف للياء   برنامج Advanced Call Manager من الألف للياء Emptyالخميس يناير 07, 2010 7:52 am
[center][center]بسم الله الرحمن الرحيم


كل واحد فينا أكيد عنده مجموعه اشخاص مش عايز يرد عليهم خالص لما يكلموه و في ناس تانيه بنبقي نفسنا نرد عليهم بس مشغولين ومش عارفين نرد و كمان في مكالمات مهمه بنبقي خايفين انها تضيع مننا فبنحتاج نسجلها وفي خواص كتير كان نفسنا تبقي موجوده في برامج ال blacklist لكن للاسف مش موجوده لكن مع Advanced Call Manager كل المشاكل دي بقي ليها حل وحل سهل وبسيط وفعال هنبدأ دلوقتي شرح البرنامج شرح كامل بالصور وكمان في المرفقات رابط مباشر لتحميل البرنامج
بعد ما تحمل البرنامج وتفك الضغط اللي هو من غير اي password هتلاقي ملفين اول ملف اسمه ACM_code.sis تنزله علي التليفون بتاعك هتلاقي ايقونه البرنامج موجوده لما تفتح البرنامج هيقولك انه trail دوس ok وبعدين هات كلمه register من القائمه ودوس عليها هتلاقي في رقم طلعلك احفظ الرقم ده أو اكتبه بعدين نخش علي الملف التاني اللي هو ACM_program.sis سطب البرنامج هيقولك replace دوس ok و بعدين افتح البرنامج ودوس register واكتب الرقم اللي كان معاك دلوقتي البرنامج بقي كامل و 10/10 وشغال معاك زي الفل. دلوقتي افتح البرنامج وخليك معايا خطوه خطوه وانا هاشرحلك المزايا العديده والخفيه اللي في البرنامج.

برنامج Advanced Call Manager من الألف للياء 459c0ef20dae6024377551

ده شكل أيقونه البرنامج طبعا انت دلوقتي اكيد عرفتها بعد ما نزلت البرنامج علي التليفون نضغط عليها وندخل علي البرنامج هنلاقي الصفحه دي

برنامج Advanced Call Manager من الألف للياء 459c0fa5558e0555546718

وزي مانت شايف الصفحه فيها عده اختيارات اولهم الاختيار Active Mode والاختيار ده هو اللي بيحدد احنا عايزين البرنامج يعمل ايه عشان نفهم ندوس عليه وندخل جواه هنلاقي الصفحه دي

برنامج Advanced Call Manager من الألف للياء 459c0fac2fac5189513610

قدامنا دلوقتي 1- Active Mode
2- Hidden callers mode
لما ندوس علي Active mode هنلاقي الصفحه دي و صحصحوا شويه معايا عشان مهمه

برنامج Advanced Call Manager من الألف للياء 459c0fb4a1674504390384

الصوره زي ما أحنا شايفين فيها 6 إختيارات لكن المسموح هو أنك تختار اختيار واحد بس
والاختيارات المتاحه هي:
1-Accept all يعني البرنامج هنا بيكون inactive يعني اكنك مش مشغل البرنامج
2- Reject all calls والاختيار ده يخلي تليفونك ميردش علي اي اتصال يجيلك والبرنامج هيرد بدالك بالطريقه اللي انت هتختارها بعد كده زي ما هنشوف
3- Accept Phonebook والاختيار ده معناه ان اي اتصال هيجيلك من رقم مسجل عندك في دليل اسماء الهاتف تليفونك هيرن عادي وانت ترد براحتك لكن اي يرقم يتصل بيك عدا اللي مسجليين في دليل الهاتف البرنامج برضه هو اللي هيتعامل معاه
4- Reject black list والاختيار ده معناه ان في شويه الرقام بتزعجك وانت مش عايز تتعامل معاها الاختيار ده بيخلي البرنامج يتعامل مع الارقام دي لكن اي رقم غيرهم ملهوش دعوه بيه وقدام شويه هنعرف ازاي نعمل الblack list بتاعتنا
5-Accept white list والاختيار ده معناه اننا بنحدد مجموعه ارقام معينه هي بس اللي نرد عليها واي رقم تاني ملناش دعوه بيه حتي لو كنا مسجلينه في دليل الاسماء و طريقه عمل ال white list هنتعلمها قدام شويه
6- Reject all specific والاختيار ده عبقري لأنك من خلاله ممكن تمنع مكالمات شبكه كامله فأنت مثلا لو حددت للبرنامج انه يرفض استقبال اي رقم اوله 010 مثلا فانت كده هتمنع اي رقم علي وجه الارض اوله 010 انه يتصل بيك

بعد كده بيجي الاختيار Hidden Caller mode الجمله دي معناها أزاي البرنامج هيتعامل مع المكالمات اللي اصحابها ارقامهم مش بتظهر لانهم طبعا شخصيات جامده وعندهم خدمه ال hidden للرقم بتاعهم هيكون هنا قدامك اختيارين بس زي مانت شايف في الصوره دي



برنامج Advanced Call Manager من الألف للياء 459c0fbcc9149627241942

أما انك تختار Accept بكده بتسمح بان الارقام ال Hidden تتصل بيك يا أما تختار Reject وبكده هتمنعهم من الاتصال بيك

بعد كده عندنا الشاشه دي

برنامج Advanced Call Manager من الألف للياء 459c0fc489338918141631

الاختيار Default Action ومن الاختيار ده احنا بنحدد للبرنامج يتعامل ازاي مع المكالمات سواء اللي احنا عايزين نرد عليها أو عايزين نرفضها كالاتي ادخل جوه الاختيار هتلاقي الشاشه دي:

برنامج Advanced Call Manager من الألف للياء 459c0fcd0993b811394774

الشاشه مكتوب فيها Default reject action ندوس علي الاختيار ده هنلاقي الصفحه دي

برنامج Advanced Call Manager من الألف للياء 459c0fdfda8db940319895

قدامنا دلوقتي 5 إختيارات هما دول اللي فيهم اللعب كله وهنشرحهم واحد واحد:

1-Send busy tone بالختيار ده يبقي المكالمات اللي البرنامج هيتعامل معاها هيشغل لاصحبها نغمه مشغول وطبعا الاختيار ده موجود في جميع برامج ال Black list العاديه وكلنا عارفينه

2-Replay By SMS والاختيار ده بيسمح للبرنامج انه يبعت رساله SMS للرقم اللي هيتعامل معاه فمثلا لو انت في اجتماع ومش فاضي وعايز لما اخوك يتصل بيك يعرف انك مثلا خلصت المشوار اللي اتفقتوا عليه اكتب كده في رساله واول ماهو هايتصل بيك في مده الاجتماع هتتبعتله الرساله دي ويبقي انت كده خلصت مكالمه من غير ماتتكلم وطبعا الرقم اللي عايز تتبعتله الرساله هتحطه في ال black list وتحددله انه لما يتصل بيك تتبعتله الرساله دي وطريقه انشاء الرساله هنوضحها بالتفصيل قدام شويه

3- Divert calls to طبعا كلنا عارفين خاصيه تحويل المكالمات لكن عيبها انك لما بتشغلها فانت كده بتحول جميع المكالمات الوارده لكن مع الاختيار اللي قدامنا احنا بنحول المكالمات اللي احنا بنحددها بس وباقي المكالمات الوارده بنرد عليها عادي

4- Answering Machine والاختيار ده مشابه لاختيار ارسال الرساله لكن لو انت كمان عايز تعرف اخوك هيقولك ايه يبقي مش هينفع تبعتله رساله بس لازم تعرف هو كمان هيقولك ايه خلاص مفيش مشاكل بدل اما تعمله تحديد ارسال رساله اعمل خاصيه المجيب الالي دي وسجله رساله(شويه وهنعرف بنسجلها ازاي) لما هيتصل بيك تليفونك هيرد عليه اوتوماتيك و يستقبل منه رسالته الصوتيه ويسجلهالك وانت تسمعها براحتك بعد اجتماعك مايخلص الخاصيه دي طبعا موجوده كخاصيه البريد الصوتي بس عيبها انها بترد برضه علي جميع المكالمات اللي هتجيلك لكن مع برنامجنا انت بقي عندك بريد صوتي مخصصص لرقم معين لما يتصل بيك يسمع و يسجل وباقي الاتصالات ماهش دعوه

5-Mute the ringer وده انا بسميه اختيار مؤدب لما يكون فيه مكالمه انت مش عايزها وفي نفس الوقت مش عايز تجرح مشاعر اللي بيكلمك و تحسسه انك بتقفل في وشه السكه الاختيار ده هيريحك ولما صاحبنا يتصل بيك البرنامج هيقفل جرس التليفون انت مش هتسمع الجرس وهو مش هيتقفل في وشه السكه

بعد كده عندنا طريقه عمل ال black list و ال white list هندخلها من الختيار اللي قدامنا في الصوره دي

برنامج Advanced Call Manager من الألف للياء 459c0fe6a34ae932694457

لما ندوس علي الاختيار Manage Lists هيتفتح لنا شاشه فاضيه زي دي

برنامج Advanced Call Manager من الألف للياء 459c0ff12d98f703876334

مكتوب جواها No list يالا بقي نتعلم أزاي نعمل ال Black list وكمان ال white list
دوس علي الاختيار Lists اللي شمال الشاشه هيفتحلك صفحه زي دي

برنامج Advanced Call Manager من الألف للياء 459c100363b08658581874

و تدوس New هيطلب منك انك تكتب اسم ال List فتكتب Black List وعلي فكره مش شرط ممكن تكتب الاسم اللي انت عايزه ولما تدوس Ok هتلاقي ال List اتعملت وبنفس الطريقه تعمل ال White list وهيبقوا قدامك زي كده

برنامج Advanced Call Manager من الألف للياء 459c100cc2e04661706736

قدامك دلوقتي الاتنين List بتوعك اكتب فيهم الارقام الليي انت عايزها هنا وهنا وخلي البرنامج يتعامل معاهم زي ماتحب انا هادي مثال علي رقمين مثلا وانت طبق زيهم علي ارقامك فصحصح معايا شويه وفوق ادخل علي ال Black List هتلاقي شاشه فاضيه دوس علي Options اللي في شمال الشاشه هتلاقيه بيقولم New ولا From Phonebook يعني الرقم اللي عاوز تحطه في ال list رقم جديد ولا موجود عندك في دليل الهاتف زي الصوره دي

برنامج Advanced Call Manager من الألف للياء 459c2f6ea1786203482558

لما بنختار New بتظهر لنا الشاشه دي

برنامج Advanced Call Manager من الألف للياء 459c2f756cf5c566028786

أول إختيار فيها هو مكان للاسم لأما ندوس عليه هنلاقي الشاشه اللي هنكتب فيها الاسم زي كده

برنامج Advanced Call Manager من الألف للياء 459c2f7ccd617514897847

الاختيار التاني يبقي اختيار كتابه الرقم ولما ندوس عليه هيظهر لنا مكان كتابه الرقم زي كده

برنامج Advanced Call Manager من الألف للياء 459c2f83ab107766608488

والاختيار التالت هو اختيار ايه اللي عايزين البرنامج يعمله لصاحب الرقم هندوس هتظهر لنا الشاشه دي

برنامج Advanced Call Manager من الألف للياء 459c2f8d0847f639228329

وطبعا احنا سبق وشرحنا جميع الاختيارات دي و وظيفتها ايه

وبعد كده ماتقفلش دوس Options واختار Save زي مانت شايف في الصوره الجايه

برنامج Advanced Call Manager من الألف للياء 459c2f9435587351577215

هتلاقي الشاشه دي ظهرتلك وبكده يبقي الرقم اللي انت دخلته البرنامج هيتعامل معاه

برنامج Advanced Call Manager من الألف للياء 459c2f9d94c0f509217679

أما إذا كان إختيار From Phonebook زي كده

برنامج Advanced Call Manager من الألف للياء 459c2fa50c73b287797790

هتظهرلك دلوقتي شاشه فيها دليل الاسماء بتاعك اختار منها الاسم اللي انت عاوزه ومتنساش بعد ماتختار الاسم انك تحددله طريقه التعامل وكمان متنساش تدوس Save

نرجع تاني للقائمه الرئيسيه للبرنامج هنلاقي الدور علي الاختيار SMS Templaes ومن هنا نقدر نكتب الرساله النصيه اللي كنا قلنا انك هتبعتها لاخوك

برنامج Advanced Call Manager من الألف للياء 459c1020d2a1f834612456

و بالضغط علي الاختيار ده هتظهرلك شاشه مكتوب في وسطها No SMS Templates دوس علي كلمه Texts الموجوده شمال الصفحه هتلاقي قدامك.....

برنامج Advanced Call Manager من الألف للياء 459c1035e57bd115847957

أختار كلمه New هيفتحلك شاشه ويطلب منك انك تكتب اسم مختصر لل Template اكتب مثلا SMS هتلاقيه فتحلك مكان عشان تكتب فيه رسالتك زي كده


برنامج Advanced Call Manager من الألف للياء 459c104c67174199032420

اكتب الرساله اللي انت عاوزها وبعدين دوس Options ودوس Save الرساله هتتخزن وتبقي جاهزه للاستخدام مع اي رقم يتحددله ارسال رساله بالشكل ده

برنامج Advanced Call Manager من الألف للياء 459c1042f2b54477006522

بنرجع تاني للقائمه الرئيسيه نلاقي الدور علي الاختيار Greetings والاختيار ده خاص بالبريد الصوتي الخاص اللي كنا اتكلمنا عنه قبل كده

برنامج Advanced Call Manager من الألف للياء 459c105456977625293938

لما ندخل جوه الاختيار ده بنلاقي قدامنا شاشه فاضيه لذيذه مكتوب جواها NO Greetings زي كده

برنامج Advanced Call Manager من الألف للياء 459c105e7fd86997182639

نضغط علي كلمه Greetings اللي موجوده شمال الشاشه هتظهرلنا الاشاشه دي.........

برنامج Advanced Call Manager من الألف للياء 459c1067084b7117009618

هندوس علي Record new علشان نسجل رساله بريد صوتي بصوتنا عشان اللي يتكلم ترد عليه هيسألك عاوز تسمي الرساله ايه اكتب مثلا Hello و دوس Ok هيبدأ لبرنامج في تسجيل الرساله الصوتيه اللي بصوتك زي كده

برنامج Advanced Call Manager من الألف للياء 459c108418ff4733146944

بعد ما سجلت الرساله اللي بصوتك اعملها Save ودلوقتي هي بقت جاهزه عشان تشتغل اوتوماتيك لما اخوك أو اي حد يعني يتصل بيك هترد عليه بالشكل ده

برنامج Advanced Call Manager من الألف للياء 459c109447ecf794882739

واحد هيسألني و يقولي طيب دلوقتي المتصل سمع الرساله طيب لما يبدأيتكلم هو رسالته هتتسجل ازاي هاقلك اصبر علي رزقك وارجعلي تاني للقائمه الرئسيه هنلاقي قدامنا أخر اختيار وهو Messages

برنامج Advanced Call Manager من الألف للياء 459c109fd6e85615767845

وطبعا لما ندوس عليها هنلاقي قدامنا شاشه زي دي مكتوب فيها No Voice Messages

برنامج Advanced Call Manager من الألف للياء 459c143441212453740301

الشاشه دي هي الي هتقدر توصل عن طريقها الي جمع الرسائل الصوتيه اللي جاتلك من الارقام اللي انت محددلها فقط خدمه الرسائل الصوتيه زي ما شرحنا قبل كده

دلوقتي ان خلصت شرح القائمه الرئيسيه دلوقتي فال حاجه صغيره معلش انا عارف اني طولت عليكو بس والله كمان انا تعبت فاستحملوني
دلوقتي وانت علي القامه الريسيه فيه أختيارين يمين و شمال الاختياراليمين Exit وده معروف الاختيار الشمال هو اختيار ال Menu ولما ندوس عليه هيطلع لنا العمود ده

برنامج Advanced Call Manager من الألف للياء 459c143eb107c068417406

أول إختيار فيه وهو Open وده طبعا معرووف وتاني اختيار هو View call log وده بيفتحلك شاشه المكالمات الوارده و المكالمات المفقوده الخاصه بالهاتف
بعد كده في الاختيار Preferences والاختيار ده خاص بالضبط بتاع البرنامج من حيث تشغيله في بدايه عمل الجوال من عدمه وايا اختيار ظهور علامه البرنامج علي الشاشه من عدمه زي ماهنشوف يلا دوس عليه وادخل معايا.....

برنامج Advanced Call Manager من الألف للياء 459c14551d065104057001

دلوقتي اول حاجه قدامنا هي Auto run at power on والاختيار ده لو كان علي on معني كده ان البرنامج هيشتغل اوتوماتيك لوحده مع بدايه تشغيل الهاتف اما إذا كان off معني كده انك مثلا في حاله اعاده تشغيل الهاتف يجب عليك تنشيط البرنامج يدويا

تاني حاجه قدامنا هي Show Indictor Icon والاختيار ده بيسمح بوجود علامه البرنامج اعلي يمين شاشه الهاتف عان تعرف المستخدم ان البرنامج شغال ده طبعا اذ كان وضعها on اما اذا كان وضعها off العلامه دي مش هتظهر شوف الصورتين دول ولاحظ الفرق

برنامج Advanced Call Manager من الألف للياء 459c0ef20dae6024377551برنامج Advanced Call Manager من الألف للياء 459c14bfd872f294476592

بعد كده سيب جميع الاختيارات الباقيه علي وضع on لأن ده احسن أداء للبرنامج


انا عارف ان انا طولت عليكم بس ياريت تستفيدوا من الشرح عشان احس اني عملت حاجه ولو سمحتوا لو واحد قرأ الشرح و معجبهوش يا ريت يقولي علي النقطه دي عشان اتداركها فيما بعد
ولو في اي استفسار بالنسبه للبرنامج يا ريت متحرمونيش من شرف الاجابه عليكم يا اخواني الاعزاء
والسلام عليكم ورحمه الله و بركاته,,,,,
[/center]
[/center]
مهند صالحين ; توقيع العضو
التوقيع
{
}
الرجوع الى أعلى الصفحة اذهب الى الأسفل
https://hody.all-up.com
 

برنامج Advanced Call Manager من الألف للياء

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

 مواضيع مماثلة

-
» كيف تنزل صوره في المنتديات.. من الألف الى الياء.. (أرجو التثبيت)
» برنامج E fax 1 برنامج إرسال واستقبال الفاكس عبر الحاسب
» أحدث ألعاب الأكشن S T A L K E R - Call of Pripyat
» برنامج اف تي بـــــــــــــــــــــي
» برنامج اف تي بي

صلاحيات هذا المنتدى:لاتستطيع الرد على المواضيع في هذا المنتدى
منتديات درة بلادي :: قسم الكمبيوتر والانترنيت ::   :: منتديات الجوال-
©phpBB | Ahlamontada.com | منتدى مجاني للدعم و المساعدة | التبليغ عن محتوى مخالف | ملفات تعريف الارتباط التابعة لجهات خارجية | آخر المواضيع